"Baykal bi berpirsê PKK-ê yê Ewropayê re rûnişt"
NETKURD
Aktuelbûn: 2010-02-28 12:35:32

Cemil Akdogan: "Denîz Baykal ji bo ku ji Ahmet Türk û Sirri Sakik û berpirsên din ên DEHAP-ê xelas bibe ji min daxwaz kiriye ku ez berpirsê PKK-ê ê Ewropayê li gel wan bidim naskirin da ew hevdîtinan li gel wî bikin."


   NÛÇEYÊ PARVEKE:       MEZINAYIYA TÎPAN:   10 Punto 12 Punto 14 Punto 16 Punto    

Minaqeşeya navbera CHP-ê û Ak Partiyê ku kî li gel PKK-ê û terorîstan hevkariyê dike her ku diçe berbelav dibe.

 
Wek tê zanîn CHP-ê hefteya derbasbûyî ji bo daxistina wezîrê hundurê hukumeta Ak Partiyê beşîr Atalay rapirsînek da parlamentoyê. Ev rapirsîn bi wê îdîayê bû ku wezîrê Hundur Beşîr Atalay ji bo gerîlayên PKK-yî ên ku ji Qendîlê vegeriyan bide berdan bi taybetî misteşarê xwe şand Xabûrê, tesîr li dozgêr û dadwerên Diyarbekirê kir ku ew dadgehê bibin li xîveteka ber Xabûrê deynin û gerîlayên vegeriyayî berdin.
 
 
Ev îdîa cara pêşî di dema lêpirsînê de Hatip Dicle yê serokê DTK-ê kevne parlamenterê DEP-ê hat kirin. Hatip Dicle îdîa kir ku di dema vegra "grûba aştiyê" de wezîr Beşîr Atalay û serokê DTP-a daxistî Ahmet Türk li hev civiyane û Atalay ji Türk re gotiye ku wî her tişt eyar kiriye, misteşarê xwe verêkiriye, ew ê yên vegeriyayî bên berdan.
 
 
CHP-ê ev îdiaya Hatip Dicle wek îtîrafa ku Atlay û hukumetê midaxeleyeka siyasî li ser dadweriyê kiriye û bi vî awayî sûc kriye, divê ew ji kar bê daxistin.
 
 
Her çendîn Atalay, Ahmet Türk, dozggêr û dadwerên Diyarbekirê ev îdîaya Hatip Dicle redkir jî CHP ji a xwe daneket û mesele bir parlamentoyê.
 
 
Li parlamenoyê di dema minaqeşeya ser pirsê de vê carê parlamenterê BDP-ê Sirri Sakik îdîa kir ku li ser daxwaza Deniz Baykal heyeteka CHP-ê bi serokatiya cîgirê serok li gel wan sala 1999-ê berî hilbijartinan li gel HADEP-ê (DTPya wÊ demê) rûniştiye û gotiye kesên wek Ahmet Türk, Sirri Sakik, Sedat Yurttaş û Murat Bozlak ên naskirî nabin, lê ew 20 mîlîtanan bidin wan ew ê ji CHP-ê bikin berendam da ew bên hilbijartin ji bo parlamentoyê.
 
 
Deniz Baykal ev civîn red kir. Ahmet Türk cîgirê serokê CHP Eşref Erdem û Sedat Yurttaş gotin "belê ev civîn buye" Türk û Erdem got navê "militanan" nehatiye lê behsa gêncan hatiye kirin.
 
 
Di vê navberê de Cemil Aydoganê serokê Yekîtiya Rojnamevanên Mêrdînê, eşkere kir ku gotina Sirri Sakik rast e, ew bi xwe qasî 15 caran li ser vê meselê li gel Deniz Baykal rûniştiye. Heta di dawiyê de Denîz Baykal ji bo ku ji Ahmet Türk û Sirri Sakik wan xelas bibe jê daxwaz kiriye ku ew berpirsê PKK-ê ê Ewropayê bli gel wan bide naskirin da ew hevdîtinan li gel wî bikin. Cemil Aydogan dibêje wî mihawele kiriye, di vê navberê de Deniz Baykal jê re gotiye ku wî di riyeka din re bi berpirsê PKK-ê re pêwendî daniye. Hettta goya ku ew dersimî buye, û çuye li navendê li gel Deniz Baykal rûniştiye.
 
 
Cemil Aydogan îdîa dike ku di dema hevdîtinan de wî dengê Baykal jî li ba xwe qeyd kiriye lê pişt re wenda kiriye. Cemil Aydogan ki ye. Ew rojnamevan e. Berê li Mêrdîn serokê Komeleya Mafê Mirovan bû. Pişt re bû damezrênerê HADEP-ê. Pişt re veqetiya xwest li Kiziltepê bibe serokê şarederiyê li ser navê Ak Partiyê. Nuha ew serokê Rojnamevanên Mêrdîn e.
 
 
Herî dawîn Ufuk Uras jî eşkere kir ku piştî Deniz Baykal di 1999-êde hêviya xwe ji berpirsên HADEP-ê biriye, teklîfî ÖDP-ê (ku wê wextê Ufuk Uras serokê wê bû) ku ew biçe li ser navê CHP-ê li Diyarbekirê bibe berendamê parlamentoyê da ew dengên kurdan bîne CHP-ê lê ÖDP-ê ev qebûl nekiriye.

ŞÎROVEYÊ LÊKE     DERXE SER KAXET (PRINT)
ŞÎROVE HEMÛ ŞÎROVE
  1. aras
    gelo muzaffer saglam zane ci dibeje yani herhale tekiliye wi devlete hene dixaze pkk'e ergenokan ra bizelikine ,herdem kare devlete politak we eve ev kesa ji weya bas kar tine.em tjkarin wi kesi ra besin bira hineki televiziyone tirka binere hewaltiya ke devlete ra hey mirov dikare bibine ema ev kesana naxazen we ya bibinen tene derde wani yekemin dijmina tiya pkk .gelo ew dijmintayi ci dide wankesa ?
  2. Dîyar doskî
    erê ez qet ji van îdiya fam nakim gelo eger rast be jik PKK digel Deniz Baykalê neleti giftû kirbe jik tiştek normale çûnkî çi tişt bi şer çareser nabe.gelo Deniz Baykal bi qasê Sedam Hûsên.zilûm li Kurdan kirîye çima helale Sedam bi Tanko topan HEWLÊRÊ dagirke.lê herame PKK ê bi Baykalre civîya ye.ez dizanim tû vê şîrovê na weşînê lê ez hêvîda rim NETKURD dev ji van îdîya berde çûnkî ev îdîa ye çû xizmetê ji Doza kurd re nake
  3. Muzaffer Saglam
    Êdî di salen derbas bûyînda tekîlîye PKK û devleta-kur û ergenekon'e êdî, êdî eskere dibe. Wekî teye zanîn ew Deniz Baykal zilamekî devleta-kur û ergenekoneye mezine. Ew zilamkar û oportînîst niha tû caran naxwaze di hûndire Tirkiye da me doza ergenekone û devleta-kur eskere bibe. Tirsa wî ew kû belkî ew jî di davîye da eskere bibe. Li Tirkiye hamû kesen mûqebûlî CHP dizanen ew Deniz Baykal zilame ergenekoneye. Eger PKK tekîliyen xwe vira pek anîne, ew jî eskere dike tekîliye PKK jî vi ergenekonera hebûye. Zaten wekî teye zanîn seroke PKK di imrali da di bin desta devleta-kur da tû caran naxwaze me ergenekon eskere bibe. Bi îcaza we ez dixwazim li vir nûceyeke ji bo xwandevanan jî binivsînim, wekî teye zanîn siyasetmedareka Kûrda dilpakis û welatparez Feleknas Uca heye, wî siyasetmedara Kûrda delal pirtûkek bi nave ''YEKÎTIYA EWROPAYÊ'' nivisandiye. Wekî teye zanîn we siyasetmedara Kûrda delal di parlamentoya evropada 10 salan xebata siyasî mesandiye. Ji bo we xebate ew gelek tisten siyasiye parlamentoya Ewropa dizane, ew dixwaze ji bo ew parlamentoya ewropa siroveyen xwe bigîne gele xwe. Ez gelek spasiye we dikim we siyasetmedara Kûrda delal bi riya postera yek jiminra wirekir. Hûn dikarin ji bo we pirtûke li kîapxanan pirsiyar bikin.
Li gor min destpêkirina şer a ji nuh ve ê pirsa kurd
Çareser neke
Çareser bike
Nizanim

  1. Hamid Omerî
  2. Şakir Epözdemir
  3. Îbrahîm Guçlu
  4. Mûrad A. Ciwan
  5. Mûrad Ciwan
  6. M. Şefîq Oncu
  7. Raif Yaman
  8. M.Şefiq Oncu
  9. Hoşeng Broka
  10. Edan Stêrk
  11. Hasan Kaya
  12. Gernas Amedî
  13. Mazhar Duderî
  14. Tosinê Reşîd
  15. Salihê Kevirbirî
  16. Alî Fîkrî Işik
  17. Hesenê Dewrêş
  18. Keya Îzol
  19. Firat Cewerî
  20. Aylin Unek
  21. Yûra Nabîêv
Hamid Omerî

SIWARÊN HELBESTA KURDÎ –II
Di afirandina zimanek an parastina zimanek de (ew zimanê ku nayê fêmkirin!) xweşewitandin, xwedaliqandin, xwetêwerkirin (ne di xew re, ne di xew de) wek bedêl, wek peywir xwe nîşan dide.