Serokê Herêma Kurdistanê Mesûd Barzanî, îro li Selahedînê pêşwazî li Balyozê Fransayê yê li Iraqê Boris Biwalon û Konsolê Giştî yê Fransayê yê Hewlêrê Fredrik Tîssot kir.

Di hevdîtinê de, Balyozê Fransayê yê li Iraqê xweşhaliya xwe derbirî ku careke din serdana herêma Kurdistanê dike û ragihand ku di navbera vê serdanê û ew serdana berê de pêşketineke diyar di pêwendiya di navbera Fransa û herêma Kurdistanê de çêbûye ku ev jî cihê xweşhaliyê ye.

Balyozê Fransayê di axaftina xwe de got ku li gor biryara hikûmeta Fransayê senterê kulturîyê fransî û senterê cî û warên xanistên civakî li Hewlrê hatine vekirin û zêdekirina jimara wan xwendekarên li Fransayê xandina bilin dixwînin.

Balyozê Fransayê yê li Iraqê balkişand li ser wê yekê ku di hevdîtina şandeke bilinda Fransayê di gel berpirsên herêma Kurdistanê biryara damezrandin û pêşxistina pîşesazî û petrokîmyawî li herêma Kurdistanê de hatiye dayîn û ji bo vê mebestê jî hikûmeta Fransayê dê şandeke pispor ji bo lêkolîn û biryardana li ser çend projeyek di vî warî de bişîne Hewlêrê.

Sebaret bi warê siyasî jî Balyozê Fransayê yê li Iraqê got ku welatê wan gelek bi hurî dûvdaçûnê li ser helmetên hilbijartina parlamentoya Iraqê dike ku biryar di 7ê meha adarê de birêve biçe û ji bo vê mebestê jî biryare du endamên civata pîran a Fransayê û hejmarek ji çavdêran serdana Iraqê û herêma Kurdistanê bikin, û dawetnameya serok Komar Sarkozy jî bi serok Barzanî ragihand ku serdana Fransa bike.

Serok Barzanî xweşhaliya xwe bi vê hevdîtinê derbirî û spasî serokkomar Sarkozy jî kir sebaret bi vexwendina serdana welatê Fransayê û ragihand ku ew ê di zemaneke minasib da serdana Fransayê bike.

Di derbarê pêwendiyên her du alî jî de serok Barzanî got:” Fransa welateke doste û daxwazeke me ya hevbeş jî heye, ji bo wê yekê bi hemû kiryaran ve hewl didîn pêwendiyên di navbera me de pêşbikeve û ji bo vekirina çend malbendeke Fransî û zêdekirina hejmara xwendekarên Kurdistan ku dixwazin xwendina xwe li Fransa bikin destxweşiyê li hikûmeta Fransa dikim.”