Li ser tengijiyana rewşa siyasî ya ji buyerên dawîn ên Tirkiyeyê ku gelek geral hatin girtin û pevçûnekê di navbera dadweriyê de, di nav hukumet û dadweriyê û esker û hukumetê de rûdaye, serokkomar Abdullah Gul dest bi hevdîtinan li gel serokên partiyên siyasî, li gel serokên dezgeyên dadweriyê kiriye.

Li gor ragihandinan îro saet di 17:30-ê de Abdullah Gul li koşkê ê serokê CHP-ê Deniz Baykal, sibehî jî saet di 11-ê de serokê MHP-ê Devlet Bahçeli, saet di 14:30-ê de jî serokê BDP-ê Selahattin Demirtaş qebûl bike. Hefteya çûyî Gul serokê Dadgeha Destûrê, serokê Dadgeha Bilind a Dadweriyê û serokê Dadgeha Bilind a îdarî qebûl kiribû.

Yek ji sedemên van hevdîtinan jî ew e ku hukumet di hundurê vê mehê de ê hin pêşniyariyên guhertinên destûrê û yasayên partiyên siyasî û hilbijartinan bîne parlamentoyê. Ev bi armanca reformkirina prosesa dadweriyê tên kirin. Abdullah Gul mihawele dike ku lihevkirinek (konsensusek) li ser reforman di navbera partiyên siyasî de peyda bibe.