Duh li Hollanda hilbijartinên herêmî hatin kirin. Heta niha ji sedî 98,8ê dengan hatine hejmartin. Li gora encamên heta niha hatine bidestketin, partiya herî serkeftî partiya nîjadperest PVV e. Her sê paartiyên sereke Partiya Demokrat a Xiristiyan CDA, Partiya Karkar PvdA û Partiya Sosyalist SP hejmareke zêde kursiyên xwe wenda kirin. Partiya Demokrat D66, Partiya Kesk GroenL û Partiya Lîberal VVD’ê jî li gora hilbijartinên dema berê hejmarek kursiyên xwe zêde kirin.

Partiya nîjadperest PVV a ku nû hatiye damezirandin û ev cara yekem e ku tenê li bajarê Almere û Den Haagê beşdarî hilbijartinan dibe, serkeftineke mezin bidest xist. Li Almere bû partiya yekem û li Den Haagê jî li pey PvdAyê bû partiya duyem.

Wek tê zanîn ji ber ku hikûmeta koalisyonê ya Hollanda çend roj berê hilweşîya û biryare ku di 9ê Hezîranê de hilbijatinên giştî bên çêkirin. Li gora encama van hilbijartinan û ankêtan eger bi vî awayî bimeşe, partiya herî mezin partiya nîjadperst PVV a ku li ser bingeha dijminatiya îslamîyetê û bi wê ve girêdeya dijminatiya biyanîyên ji Rojhela Navîn hatiye damezirandin, ê bibe partiya yekem.

Hêjayê gotinêye ku saredariyên Hollanda xwedî desthilatiyeke mezin in. Şaredar ji aliyê qralîçeyê ve tên tayînkirin û ji bo meclîsa şaredariyê jî ji 4 salan carekî hilbijartin tên çêkirin.