Dengdana ji bo perlamontoya Îraqê vê sibê ji saet 07:00’an ve dest pê kir. Nêzî 19 milyon Hemwelati li 51 navendên hilbijartinên Îraqê ji bo dengdanê çûn ser sandoqan. Hilbijartin ê heta saet 17.00 dom bike

Li Kurdistanê jî beşdariyeke mezin ji bo hilbijartinan hebû.

Serokkomarê Iraqê Celal Talebanî wek yekem kes li Iraqê, di saet 07:00'an de li dibistana Rewşen Bedîrxanê ya li Silêmaniyê dengê xwe da. Serokê Kurdistanê Mesûd Barzanî li Hewlêrê

Serokwezîrê Kurdistanê Berhem Ehmed Salih, li dibistana Rewşen Bedîrxanê ya li bajarê Silêmaniyê dengê xwe da.

Di daxuyaniyeke çapemeniyê de serokwezîr Salih got: “Hilbijartin westgeheke girîng e di prosesa siyasî de. Ez hêvîdar im bi şêweyekî şefafane bi rê ve biçe û em jî li hikûmeta Herêma Kurdistanê ji bo serxistina vê prosesê kar dikin.”

Derheqê encama hilbijartinê de jî serokê hikûmeta Herêma Kurdistanê wiha got: “Ez naxwazim ji niha ve biaxivim lê pêşbînî amaje bi wê yekê dikin ku posta serokkomarê Iraqê dê her ji bo kurd bibe.”

First ladya yekem a Iraqê Hêro Îbrahîm Ehmed jî li Dibistana 11’ê Adarê ya li taxa Îskanê ya bajarê Kerkûkê dengê xwe da.

van hilbijartinan da nêzî 19 milyon îraqî mafê wan ê dengdanê heye, 6529 namzed ê di nav 164 partî û lîsteyên hevpeymanî de têbikoşin. Hejmara kursiyên Parlamentoyê 325 in. Lê ev partî ê tenê 310 kursî bi dest bixin. Yên mayî ji bo kotayên, xiristiyan, êzdî, Sabî mendaî û şebekanan re hatiye veqetandin. Tirkman jî bi serê xwe beşdarî hilbijartinan dibin.

Hemwelatiyên îraqê yên li derveyî welêt jî ê di navbera 5 û 7-ê adarê de deng bidin. Li welatên wek Tirkiye, Urdun, Misir, Lubnan, Emîrat, Hollanda, Danimarka, Avûstûralya, Swêd, Swîsre, Almanya, Kanada, DYA û Îngîlîstanê ê sandoqên hilbijarinan bêne danîn.

Hejmara hevpeymaniya Kurdistanê ya ji bo dengdanê vê carê 372 ye û dê li 12 bajarên Îraqê û Kurdistanê beşdarî hilbijartinan bibe.

Di lîsteya hevpeymaniya Kurdistanê de, PDK, YNK, bizava îslamî ya Kurdistanê, Partiya Sosyalîst a Demokratîk a Kurdistanê, Partiya Zehmetkêşên Serbixwe, Partiya Komînîsta Kurdistanê, Komeleya Lîberala Tirkmen, Yekîtiya Neteweyî ya Demokratîka Kurdistanê, Partiya Karkeran û Kedkarên Kurdistanê, Partiya Zehmetkêşên Kurdistanê, Bizava Demokratîka Gelê Kurdistanê, Lîsteya Tirkmena Hewlêrê û Partiya Exaya Tirkmena Iraqê.

Lîsteya Goran û Yekgirtiya îslamî jî bi serê xwe cuda beşdarî hilbijartinan dibin.

Hejmara kursiyan li gor nifûsa bajaran hatiye tesbîtkirin. Li gor vê ê li bajarên Kurdistanê li Hewlêrê 14, li Kerkûkê 12, li Silêmaniyê 17 û li Dihokê jî 10 kursî bêne derxistin.