Şahîya 8ê Adarê, saet di 14:00an de dest pê kir. Şahîyê bi axaftina endama birêvebiriya Navenda Jinên Kurd Bawerê dest pê kir. Bawerê 8ê Adarê li hemû jinên cîhanê û bi taybetî li jinên Kurdistanî pîroz kir û bi kurtayî li ser dîroka 8ê Adarê axaft.

Piştî avaftina Bawerê, endama birêvebiriya Navenda Jinên Kurd Sevdayê jî bi kurtayî qala serdana heyeta Navenda Jinên Kurd a bo Diyarbekirê kir. Hêjayê gotinêye ku heyeta Navenda Jinên Kurd di 25ê Sibatê de çû serdana Diyarbekirê û di nava 5 rojan de bi Şaredariya Baxlarê û gelek saziyên civakî yên sivîl re hevdîtinan pêk anî û cardin vegeriya Hollanda. Heyet, dê çavdêriyên xwe bi raporekî pêşkêşî rayedarên hollandî bike. Piştî axaftina Bawer û Sevdayê, endama birêvebiriya Navenda Jinên Kurd Nalînê jî şiîra Leyla Qasimê xwend.

Koma muzîkê a bi navê “Koma Dep” bi stranên xwe yên xweş coşa li salonê derxist qada herî jor. Şahî bi xwarin û vexwarin bû û heta saet 20:00î dom kir. Herwiha ozanê nûhatî Sêcan jî bi tembûra xwe bi Bawerê re çend sitiran got.