Wê heyeta BDP’ê 28’ê Tîrmehê, jibo planên konferansa netewî ku demek dirêje tê behskirin û jibo vekirina nûnertiya BDP’ê ya li Hewlêr, biçe Herêma Kurdistana Federal.

Tê hevîkirin ku wê heyeta BDP’ê di bin serokatiya Hevserokê berê yê DTP’ê Ehmed Turk û parlementera qedexeya siyasî li ser Aysel Tugluk de, biçe Hewlêrê. Wê heyet 28’ê Tîrmehê bi Serokê Herêma Kurdistan Mesud Barzanî re bicive û 31’ê Tîrmehê vegere. Wê heyet bi Serokê Herêmê Barzanî, nûnerên hemû partiyên siyasî û rêxistinan re hevdîtin pêk bîne.

KONFERANSA KURD

Mijara bingehîn ya hevdîtinê Konferansa Kurdan e. Ev mijar sala 2009’ê hatibû rojevê, tê hêvîkirin ku partî û rêxistinê Kurd yên li her çar parçeyan li hev bicivin, her wiha ev mijar rê li ber “pêşketinên pirsa Kurd” jî vekir.Tirkiyeyê jî gotibû ger zext li PKK’ê were kirin ew ê piştgiriyê bide konferansê. Dû sal ser re derbas bû, lê hîn tu pêngav nehatine avêtin. Herî dawiyê dema Barzanî hatibû Tirkiyeyê, bi BDP’ê re hevdîtin pêk anîbû, ev mijar dîsa ket rojevê. Jibo gavên berbiçav werin avêtin, wê bi hemû partiyên Kurd re hevdîtin pêk bînin, her wiha wê di hevdîtina de komisyonên bingehîn û karên teknîkî yên li darxistina konferansê were nirxandin. Li gorî agahiyên BDP’ê dayî, jibo zêde wext bi ser mijarê re derbas nebe, aliyê BDP’ê wê ji her kesê daxwaza “An em vê konferansê li darbixin, an jî em ji rojevê biavêjin” bixwaze.

NUNERTIYA BDP’Ê

Mijara din ya serdana BDP, vekirina nûnertiya BDP’ê ya li Herêma Kurdistanê ye. Wê BDP jibo vê yekê bi fermî ser lêdan bike. BDP’ê ji niha ve nunertiya xwe ya li Hewlêrê amade kiriye. Wê endama BDP’ê Parêzer Rûşen Çakiroglu jibo nuneriyê bişînin Hewlêrê

ANF